0:00/ 0:00

Epinicia

Book 13

Bacchylides

Strophe 1

λειω´

ερ

δαν·

Strophe 2

ὕβριος ὑψινόου

παύσει, δίκας θνατοῖσι κραίνων·

Antistrophe 2

οἵαν τινὰ δύσλοφον ὠ-

μηστᾷ λέοντι

Περσείδας ἐφίησιν

χεῖρα παντοίαισι τέχναις·

οὐ γὰρ δαμασίμβροτος αἴθων

χαλκὸς ἀπλάτου θέλει

χωρεῖν διὰ σώματος, ἐ-

γνάμφθη δʼ ὀπίσσω

φάσγανον· ἦ ποτέ φαμι

τᾷδε περὶ στεφάνοισι

παγκρατίου πόνον Ἑλ-

λάνεσσιν ἱδρώεντʼ ἔσεσθαι.

Epode 2

ὃς νῦν παρὰ βωμὸν ἀριστάρχου Διὸς

Νίκας ἐρικυδέος ἀν-

δεθεῖσιν ἄνθεα,

χρυσέαν δόξαν πολύφαντον ἐν αἰ-

ῶνι τρέφει παύροις βροτῶν

αἰεί, καὶ ὅταν θανάτοιο

κυάνεον νέφος καλύψῃ, λείπεται

ἀθάνατον κλέος εὖ ἐρ-

χθέντος ἀσφαλεῖ σὺν αἴσᾳ.

Strophe 3

τῶν καὶ σὺ τυχὼν Νεμέᾳ,

Λάμπωνος υἱέ,

πανθαλέων στεφάνοισιν

ἀνθέων χαίταν ἐρεφθείς,

πόλιν ὑψιάγυιαν

τερψιμβρότων

ἁβροπνόων

κώμων πατρῴαν

νᾶσον, ὑπέρβιον ἰσχὺν

παμμαχιᾶν ἀναφαίνων.

ὦ ποταμοῦ θύγατερ

δινᾶντος Αἴγινʼ ἠπιόφρον,

Antistrophe 3

ἦ τοι μεγάλαν Κρονίδας

ἔδωκε τιμὰν

ἐν πάντεσσιν ἀγῶσιν,

πυρσὸν ὣς Ἕλλασι

φαίνων· τό γε σὸν κλέος αἰνεῖ

καί τις ὑψαυχὴς κόρα,

ραν

πόδεσσι ταρφέως,

ἠΰτε νεβρὸς ἀπενθής,

ἀνθεμόεντας ἐπʼ ὄχθους

κοῦφα σὺν ἀγχιδόμοις

θρῴσκουσʼ ἀγακλειταῖς ἑταίραις·

Epode 3

ταὶ δὲ στεφανωσάμεναι πλόκοις νέων

ἀνθέων δόνακός τʼ ἐπιχω-

ρίαν ἄθυρσιν

παρθένοι μέλπουσι τεὸν κράτος, ὦ

δέσποινα παγξείνου χθονός,

Ἐνδαΐδα τε ῥοδόπαχυν,

ἃ τὸν ἱππευτὰν ἔτικτε Πηλέα

καὶ Τελαμῶνα κραταιόν,

Αἰακῷ μειχθεῖσʼ ἐν εὐναῖς·

Strophe 4

τῶνθʼυἷας ἀερσιμάχους,

ταχύν τʼ Ἀχιλλέα

εὐειδέος τʼ Ἐριβοίας

παῖδʼ ὑπέρθυμον βοαθόον

Αἴαντα σακεσφόρον ἥρω,

ὅς τʼ ἐπὶ πρύμνᾳ σταθεὶς

ἔσχεν θρασυκάρδιον ὁρ-

μαίνοντα νᾶας

θεσπεσίῳ πυρὶ καῦσαι

Ἕκτορα χαλκεομίτραν,

ὁππότε Πηλεΐδας

τραχεῖαν Ἀργείοισι μᾶνιν

Antistrophe 4

ὠρίνατο, Δαρδανίδας

τʼ ἔλυσεν ἄτας·

οἳ πρὶν μὲν πολύπυργον

Ἰλίου θαητὸν ἄστυ

οὐ λεῖπον, ἀτυζόμενοι δὲ

πτᾶσσον ὀξεῖαν μάχαν,

εὖτʼ ἐν πεδίῳ κλονέων

μαίνοιτʼ Ἀχιλλεύς,

λαοφόνον δόρυ σείων·

ἀλλʼ ὅτε δὴ πολέμοιο

λῆξεν ἰοστεφάνου

Νηρῇδος ἀτρόμητος υἱός·

Epode 4

ὥστʼ ἐν κυανανθέϊ Θρᾳκὶ ναυβάτας

πόντῳ βορέας ὑπὸ κύ-

μασιν δαΐζει

νυκτὸς ἀντάσας, ἀνατελλομένᾳ

λῆξεν δὲ σὺν φαεσιμβρότῳ

ἀοῖ, στόρεσεν δέ τε πόντον

οὐρία· νότου δὲ κόλπωσαν πνοᾷ

ἱστίον, ἁρπαλέως τʼ ἄ-

ελπτον ἐξίκοντο χέρσον·

Strophe 5

ὣς Τρῶες, ἐπεὶ κλύον αἰ-

χματὰν Ἀχιλλέα

μίμνοντʼ ἐν κλισίῃσιν

εἵνεκεν ξανθᾶς γυναικός,

Βρισηΐδος ἱμερογυίου,

θεοῖσιν ἄντειναν χέρας,

φοιβὰν ἐσιδόντες ὑπαὶ

χειμῶνος αἴγλαν·

100

πασσυδίᾳ δὲ λιπόντες

101

τείχεα Λαομέδοντος

102

ἐς πεδίον κρατερὰν

103

ἄϊξαν ὑσμίναν φέροντες·

104

Antistrophe 5

ὦρσάν τε φόβον Δαναοῖς·

105

ὤτρυνε δʼ Ἄρης

106

εὐεγχής, Λυκίων τε

107

Λοξίας ἄναξ Ἀπόλλων·

108

ἷξόν τʼ ἐπὶ θῖνα θαλάσσας·

109

ναυσὶ δʼ εὐπύμνοις παραὶ

110

μάρναντʼ, ἐναριζομένων

111

δʼ ἔρευθε φώτων

112

αἵματι γαῖα μέλαινα

113

Ἑκτορέας ὑπὸ χειρός,

114

πῆμα μέγʼ ἡμιθέοις

115

ἰσοθέων διʼ ὁρμάν.

116

Epode 5

ρονες, ἦ μεγάλαισιν ἐλπίσιν

117

οντες ὑπερφίαλον

118

ς ἱππευταὶ κυανώπιδας ἐκ-

119

νέας εἰλαπίνας τʼ ἐν

120

ἁμέραις ἕξειν θεόδματον πόλιν.

121

μέλλον ἄρα πρότερον δι-

122

νᾶντα φοινίξειν Σκάμανδρον,

123

Strophe 6

θνᾴσκοντες ὑπʼ Αἰακίδαις

124

ἐρειψιτοί χοις·

125

τῶν εἰ καὶ τ

126

ἢ βαθυξύλωι

127

οὐ γὰρ ἀλαμπέσι νυκτὸς

128

πασιφανὴς Ἀρετὰ

129

κρυφθεῖσʼ ἀμαυροῦται δνόφοισιν,

130

Antistrophe 6

ἀλλʼ ἔμπεδον ἀκαμάτᾳ

131

βρύουσα δόξᾳ

132

στρωφᾶται κατὰ γᾶν τε

133

καὶ πολυπλάγκταν θάλασσαν.

134

καὶ μὰν φερεκυδέα νᾶσον

135

Αἰακοῦ τιμᾷ, σὺν Εὐ-

136

κλείᾳ δὲ φιλοστεφάνῳ

137

πόλιν κυβερνᾷ,

138

Εὐνομία τε σαόφρων,

139

ἃ θαλίας τε λέλογχεν

140

ἄστεά τʼ εὐσεβέων

141

ἀνδρῶν ἐν εἰρήνᾳ φυλάσσει·

142

Epode 6

νίκαν τʼ ἐρικυδέα μέλπετʼ, ὦ νέοι,

143

Πυθέα, μελέταν τε βροτω-

144

φελέαΜενάνδρου, τὰν ἐπʼ Ἀλφειοῦ τε ῥοαῖς θαμὰ δὴ

145

τίμασεν ἁ χρυσάρματος

146

σεμνὰ μεγάθυμος Ἀθάνα,

147

μυρίων τʼ ἤδη μίτραισιν ἀνέρων

148

ἐστεφάνωσεν ἐθείρας

149

ἐν πανελλάνων ἀέθλοις.

150

Strophe 7

εἰ μή τινα θερσιεπὴς

151

φθόνος βιᾶται,

152

αἰνείτω σοφὸν ἄνδρα

153

σὺν δίκᾳ. βροτῶν δὲ μῶμος

154

πάντεσσι μέν ἐστιν ἐπʼ ἔργοις·

155

ἁ δʼ ἀλαθεία φιλεῖ

156

νικᾶν, ὅ τε πανδαμάτωρ

157

χρόνος τὸ καλῶς

158

ἐργμένον αἰὲν ἀέξει·

159

δυσμενέων δὲ ματαία

160

γλῶσσʼ ἀϊδὴς μινύθει

161

Antistrophe 7

ἐλπίδι θυμὸν ἰαίνει·

162

τᾷ καὶ ἐγὼ πίσυνος

163

φοινικοκραδέμνοισι Μούσαις

164

Epode 7

ὕμνων τινὰ τάνδε νεόπλοκον δόσιν

165

φαίνω, ξενίαν τε φιλά-

166

γλαον γεραίρω,

167

τὰν ἐμοὶ Λάμπων παρέχων χάριν οὐ

168

βληχρὰν ἐπαθρήσαις τίει,

169

τὰν εἴ γʼ ἐτύμως ἄρα Κλειὼ

170

πανθαλὴς ἐμαῖς ἐνέσταξεν φρασίν,

171

τερψιεπεῖς νιν ἀοιδαὶ

172

παντὶ καρύξοντι λαῷ.

173